Uluçay təşkilatı yerli və beynəlxalq təşkilatların dəstəyi ilə Azərbaycanın regionlarının sosial-iqtisadi inkişafı istiqamətində fəaliyyət göstərir. Proqram İnkişafı çərçivəsində bir çox regional məsələlər və hədəf qrupları (gənclər, qadınlar, fermerlər, kiçik və orta sahibkarlar, qaçqın və məcburi köçkünlər daxildir) əhatə olunur.

Uluçay təşkilatının bir beyin mərkəzi kimi işi unikaldır, belə ki, biz sosial dəyişikliklər üçün yeni yanaşmalar təqdim edirik və bu xüsusi ilə də iqtisadi, sosial və mədəni hüquqlar sahəsində maarifləndirmənin aparılmasını təşviq edirik. Biz yerli əhali ilə işləməklə, onlarla qərar qəbuledənlər, şəbəkələr və hərəkatlar arasında körpü rolunu oynayırıq. 

478 məhbusa hüquqi yardım və 443 məhbusa psixoloji yardım göstərilib, 180 məhbus biznes təlimlərə cəlb olunub, 160 məhbus peşə təhsilinə cəlb olunub, 8 məhbus biznes yaratması üçün dəstək alıb və eləcə də, yerli QHT, hakimiyyət və penitensiar xidməti işçilərinin məhbusların reinteqrasiyası və reabilitasiyası sahəsində bilik və bacarıqları artırılıb.

“Azərbaycanda məhbuslara hüquqi yardım, reinteqrasiya və reabilitasiya dəstəyinin göstərilməsi” layihəsi Avropa Birliyi və BMT İnkişaf Agentliyinin dəstəyi ilə həyata keçirilib.