Vətəndaş Cəmiyyətinin İnkişafı
Vətəndaş Cəmiyyətinin İnkişafı “Uluçay” Sosial-İqtisadi İnnovasiyalar Mərkəzinin əsas prioritetlərindən biridir. Uluçay Azərbaycanın regionlarında vətəndaş cəmiyyəti sektorunun inkişafını vurğulayır və bu problemi layihələr və tədqiqat fəaliyyəti ilə həll edir.
Xüsusi ilə, vətəndaş cəmiyyətinin inkişafı üzrə iş bir neçə əsas istiqamətə əsaslanır, bunlar:
Uluçay vətəndaş cəmiyyəti təşkilatlarının potensialının artırılması sahəsində zəngin təcrübəyə malikdir və innovativ metodologiyalardan, xüsusən də vəsaitlərin toplanması, maliyyə dayanıqlığı, kommunikasiya, layihə təkliflərinin hazırlanması, büdcənin hazırlanması, maraqlı tərəflərlə iş və bir çox digər mövzulardan istifadə edir. Bundan əlavə, Uluçay vətəndaş cəmiyyəti təşkilatları üçün araşdırma, monitorinq, təhlil və məlumatların toplanması üzrə təlimlər təşkil edir.
Uluçay icma əsaslı layihələrin həyata keçirilməsi üçün vətəndaş cəmiyyəti təşkilatlarının və ya onların koalisiyalarının layihələrinə kiçik miqyasda maliyyə ayırır. Vətəndaş cəmiyyəti təşkilatları Uluçay təşkilatının maliyyəsi dəstəyi ilə Azərbaycanda 49-dan çox icma layihəsi həyata keçirib. Uluçay bu yanaşma ilə vətəndaş cəmiyyəti təşkilatlarının fəaliyyətinə və layihələrin həyata keçirilməsinə dəstək verir və hər zaman öz proqramları çərçivəsində vətəndaş cəmiyyəti təşkilatlarına sub-qrantlar yanaşmasını daxil edir.
Uluçay bir çox beynəlxalq təşkilatlar tərəfindən istifadə edilən effektiv alətlər vasitəsilə vətəndaş cəmiyyəti təşkilatlarının ehtiyaclarının qiymətləndirilməsini aparmaq təcrübəsinə malikdir. Ehtiyacları aşağıdakı mövzular üzrə qiymətləndirmə apara bilərik: hüquqi mühit, institusional və potensial ehtiyaclar, daxili siyasət və prosedurlar, maliyyələşməyə çıxış, idarəetmə və s.
Uluçay siyasət sənədləri və brifinqlər vasitəsilə vətəndaş cəmiyyəti sektorunun üzləşdiyi problemləri həll edir və əsas maraqlı tərəflərə və qərar qəbul edənlərə Azərbaycanda vətəndaş cəmiyyəti sektoru üçün əlverişli mühitin yaradılması üçün tövsiyələr və addımlar təqdim edir.