Yaponiya səfirliyinin “Ot kökləri və insan təhlükəsizliyi” qrant proqramı çərçivəsində uşaqların məktəbəqədər təhsil almaq probleminin aradan qaldırılması üçün Şəkinin Orta Zəyzid kəndində uşaq bağçasının tikintisinə başlanılıb. Layihənin ümumi büdcəsi 84 573 dollardır. Layihənin əsas məqsədi Orta Zəyzid kəndinin uşaqlarının intellektual, yaradıcı və sosial cəhətdən geriləmələrinin qarşısını almaq üçün onlara lazım olan təhsili verməkdir. Bundan əlavə, layihədə Uluçay işçi heyəti tərəfindən müəllimlər üçün ibtidai təhsildə yeni metodlar üzrə təlimlərin keçirilib.